الرئيسية / مجتمع / عبدالعزيز بن مبارك بن عبدالله السويكت الهاجري يوجه رسالة للقطريين

عبدالعزيز بن مبارك بن عبدالله السويكت الهاجري يوجه رسالة للقطريين

السلام عليكم ورحمة الله و بركاتة…
رسالة اوجهها لأخواني في قطر . ??
الي لهم حلال فالسعودية ولا يقدرون يوصلون له ولا لهم احد فيه سواء مزارع واراضي و ممتلكات ترى نكفيكم متابعته و حمايته و الي ناقص نسده و نقوم فيه من كهرب و ماء و صيانه و متابعه و الي عنده ابل لو انها الف تراها ابسط همومه يبلغني وانا اضمها لحلالي شهر والا دهر و مكفي منها و من سنعها و رعيانها و علفها. و الي عنده راعي يبلغه ان قصر عليه شي من علاج يتواصل معي و ارسله الدكتور من عندي و الي يقصر من علف ياخذه من المزرعة بالكميات الي يبيها ولا يرده الا لسانه والكلام موجه لإخواننّا كافه دون تحديد و هذي من محبه و اخوّه و صلة الرحم وحقوق الجار وما يمليه علي واجبي الديني تجاه الله سبحانه و تعالى و ما يجري فالسياسه فهو لاهله و هم اهل للتعامل بما تقتضيه المصلحه العامله للبلاد و العباد و ما هو كفيل بإخماد الفتنه و حل الخلاف. وفّق الله ولاة امورنا و سدد خطاهم و أعانهم والله وليّ التوفيق و الهادي اليه.

اخوكم و محبكم /
عبدالعزيز بن مبارك بن عبدالله السويكت الهاجري

Print this pageEmail this to someoneShare on Google+Share on FacebookShare on LinkedInTweet about this on Twitter